Plantun de Prouvènço

Pèr coumpara dos planto d'encò nostre

Myosotis laxa & Festuca flavescens

Te-vese-e-t'ame(-fourro-bourro)

Myosotis laxa

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis gazonnant.

Descripcioun :
Aquéu te-vese-e-t'ame, pulèu rare, trachis en ribo de ribiero, dins li prado umido e li roubino de palun. Emé si péu contro li sepalo se destrìo dis aùtri Myosotis di flour pas trop grosso. Tambèn, i'a ges de bratèio dins l'enflourejado e lou "calice" crèis proun après la flourido.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 4 à 6 mm
Flourido : Estiéu

Sòu : Si
Autour basso e auto : 0 à 600 m
Aparado : Noun
Abriéu à jun

Liò : Ribiero - Prado umido - Palun - Roubino
Estànci : Mesoumediterran à Mountagnard
Couroulougi : Bourealo
Ref. sc. : Myosotis laxa Lehm., 1818

Petugo(-jaunasso)

Festuca flavescens

Poaceae Graminaceae

Nom en français : Fétuque jaunâtre.

Descripcioun :
Aquesto petugo trachis en mato di li bos de resinous sus sòu séusous, majamen dins li melounié. Es uno planto coumuno qu'èi pas trop tihouso de recounèisse emé si lòngui fueio d'en aut primo, laco e verdo claro (aquéli d'en bas soun mai courto). Li paumo (paniculo), longo de 4 à 14 cm, porton d'espigueto jaunasso de 8 à 12 mm e emé 3 à 6 flour. Li lemma podon agué una arèsto courteto (0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 25 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 4 à 14 cm
Flourido : Printèms - Estiéu

Sòu : Si
Autour basso e auto : 1000 à 2600 m
Aparado : Noun
Jun à juilet

Liò : Melouniero - Pinedo - Sapino - Esboudèu
Estànci : Mountagnard à Subaupen
Couroulougi : Ouroufito-Ouèst-Aupenco
Ref. sc. : Festuca flavescens Bellardi, 1792

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis laxa & Festuca flavescens

ges

Coumpara Te-vese-e-t'ame(-fourro-bourro) emé uno autro planto

Coumpara Petugo(-jaunasso) emé uno autro planto